HEDOIBAKO GEUGËAN

Geur, postontzien pillotuten diren imeill partidea garbittu beharrean, geuze normal bat eittea akorde dast. Canadako lagun betegaz, ta Iruñeko beste bategaz berba eitten neuen bittartean eguzkie muno ta basoan atzetik sartxian ikusten ixen dot, geldi-geldiro. Danakaz akabekeran, imeillekaz pare naz, baia kanpokoak tiretan nouen... Batak uri barri beterako bixien ganean pentzetan, bestea beran tripen ernetan ta hazten hasi danagaz pozarren. Bakotxak berana; halan diño lege zarrak.
Ta hamentxe nau, geu freskoan, neure aulkitxuen jarritte, Venus, Scorpio ta beste mille milloi ixerran azpien... Zeuzegaittik ezetuten zuden amasek zerue haiñ ondo...
Koskortxue nazenetik dimentziño bitten ikusten dun geu-zerue hiruten imagiñetako ahalegiñek eitten ixen doaz. Guretzat haiñ normalak diren erreferentziek, benetakoak eztirela imagiñetako ariketea...
Itzela da horrenbeste denporan ostean etzean ikusten nittuzen ixerran azpien egotea atzera,.. euren ixenak jakiñ ez arren, euren lekuen danak... 
Domekan Anthonyñ sofan eiñ neuen lo. Denpora lar eztako lotxian joateko, ta alkarregaz eiñ gendun zapatu illunditxue. Goixean, lelango argiekaz idatzikoa berton azpien. Geur kantetan ibill naz... Hotzittu baiño lelau banoa barrure...

Horrenbeste denpora idatzi barik egokeran gatx eitten da sasoi honetan pentzekoa, pasekoa edo sentidukoa labur ta ahal danik eta atonduen berba gitxitten ataratea.
Kapitulu barri bet hasi dotela ixen lei pase dan geuzerik fuerteena, baia hori gehienok bakixue. Ta saltu barri horren atxakiegaz, arterau erdikiñean lotu ziren beste kontu betzuk trankil itxi duz kamaran. Deskantzue...
Oxfordera mogitteak aldaketa itzela esan gure ixen deu, arlo gehienatan obarako. Akorde bere enintzen eitten geuze "normal" batzukez, ta han tope doaz atzera. Kanpoko aldaketeak bere barrukoa dakar, ta frekuentzi barri beten dardakada freskoa gustoso hartxian da erronka sasoiatan. Bai, erronkak; dana barrie dan sasoi horreetan norberan burue baino eztekozute eurrean topetan dozuzen egoera ta jente guzti horreeri eurre eitteko. Gitxi bada bere, arean ibilltte gauzelez, eurrera eitterik baino eztauela aspaldittik dakigu.
Londresera etor nintzenean, bizikletea hartxiak eguneroko martxea itzel aldatu zozten. Eztekot ahaztuteko, harako bizikletea hartuparri Greenwichera ordu erdien allege nintzenekoa. Bertako park eder horretako banku beten jarri nintzen, ta azilleko haixe freskoan laguntzinoz eguzkipean idazten ibill nintzen; negarran batek bere urten zeuen... Zorteduntzet hartxian neuen neure burue; handik eurrera beti pase ixen dan moduen; ta akabuko asteatan iñddertzu sentittan doten moduen.
Aste bet da etzera hegaz ein neuena kotxetxue hona ekarteko. Beste saltu bet...
Beste batzuri entzuntzeat arterau ta niri bere apurke-apurke pastan hasi dast; era berean asau ta parajeau ikusten dot niri burue etzekoakaz (lagunek ni famelikoak). Parajeau segurantzean zorran kontzeptue akabe dalako (joatearren zor sentimentala?), ta asau gure baloreak eta bixianganako ikuspuntuek geroraute desberdinauak direlako. Kanpoan bixi direnakaz ostera paraje, antzeko bixipenak eta galderak dekuzelako sarri.
Beste askotan pase dasten moduen, aldaketeagaz neure bixiko beharra eztirenak berreskuratuteko irrie hasi dast sakonean. Ia oingoan untze giau eitten duzen. Jagon.